سوال کا متن:
جو شخص مونچھیں نہ کاٹے، وہ میری امت میں سے نہیں ہے۔ کیا یہ حدیث صحیح ہے؟
جواب کا متن:
جی ہاں ! سوال میں مذکور مونچھوں کو کم کرنے سے متعلق یہ بات حدیث صحیح سے ثابت ہے، ترمذی شریف میں یہ حدیث موجود ہے:
عن زید بن أرقم أن رسول اﷲ صلی اﷲ علیہ وسلم قال:
"من لم یأخذ من شاربہ فلیس منا".
(سنن الترمذی کتاب الأدب، باب ماجاء في قص الشارب، النسخۃ الہندیۃ ۲/ ۱۰۵، دارالسلام رقم: ۲۷۶۱)
ترجمہ:
حضرت زید بن ارقم رضی اللّٰہ عنہ سے مروی ہے کہ آپ صلی اللہ علیہ وسلم کا ارشاد ہے کہ: جو شخص مونچھیں نہیں تراشتا، وہ ہم میں سے نہیں ہے۔
واللہ تعالٰی اعلم بالصواب
دارالافتاء الاخلاص، کراچی