سوال کا متن:
مفتی صاحب ! سوال یہ ہے کہ کیا پیر اور جمعرات کو روزہ رکھنا سنت ہے؟
جواب کا متن:
پیر اور جمعرات کے دن کا روزہ سنت سے ثابت ہے، اور حکم کے اعتبار سے مستحب ہے۔
ترمذی شریف کی حدیث ہے:
عن عائشة رضی اللہ عنہا قالت: کان النبی صلی اللہ علیہ وسلم یتحری صوم الاثنین والخمیس۔
ترجمہ:
حضرت عائشہ رضی اللہ عنہا فرماتی ہیں : نبی کریم صلی اللہ علیہ وسلم پیر اور جمعرات کے دن کے روزے کا خاص خیال رکھتے تھے ۔
۔۔۔۔۔۔۔۔۔۔۔۔۔۔۔۔۔۔۔۔۔
دلائل:
قال الامام الترمذی فی الجامع:
عن عائشة رضی اللہ عنہا قالت: کان النبی صلی اللہ علیہ وسلم یتحری صوم الاثنین والخمیس۔
(رقم حدیث : 745)
واللہ تعالٰی اعلم بالصواب
دارالافتاء الاخلاص، کراچی