دجّال کی سواری کیسی ہوگی؟

سوال کا متن:

مفتی صاحب! احادیث میں خر دجال کا تذکرہ آیا ہے، معلوم یہ کرنا ہے کہ دجّال کی اس سواری کا کیا حلیہ ہوگا؟

جواب کا متن:

دجّال کی سواری سے متعلق احادیث میں زیادہ تفصیل بیان نہیں کی گئی، البتہ مسند احمد اور مستدرک حاکم کی حدیث میں اتنا ذکر موجود ہے کہ اس کے گدھے کے دونوں کانوں کے درمیان چالیس ہاتھ کا فاصلہ ہوگا، اور مشکوٰۃ شریف کی روایت میں ہے کہ اس کا رنگ سفید ہوگا۔

۔۔۔۔۔۔۔۔۔۔۔۔۔۔۔
دلائل:

کما فی الحدیث النبوی:

عن جابر بن عبداللہ عن النبی صلی اللہ علیہ وسلم قال:۔۔۔۔۔۔۔۔۔۔ولہ حمار یرکبہ عرض مابین اذنیہ اربعون ذراعا۔

(مسند احمد ج:3ص:367، مستدرک حاکم مع التلخیص ج:4ص:530)

وفیہ ایضاً:

عن أَبِي هُرَيْرَةَ رضي الله عنه عن النبی صلی اللہ علیہ وسلم قال: " يخرج الدجال على حمار أقمر۔۔۔۔۔۔۔۔الخ۔

(مشکوٰۃ شریف ص:477 باب العلامات بین الساعۃ وذکر الدجال)


واللہ تعالٰی اعلم بالصواب
دارالافتاء الاخلاص، کراچی

ماخذ :دار الافتاء الاخلاص کراچی
فتوی نمبر :5377