شوگر کے مریض کیلئے روزہ رکھنے کا حکم

اگر کوئی شخص شوگر (ذیابطیس) کی بیماری کی وجہ سے کمزور اور ضعیف ہوگیا ہے، اور اس کے لئے روزہ رکھنا مشکل ہے، تو اس بیماری کی وجہ سے رمضان کا روزہ نہ رکھنا جائز ہوگا، لیکن جب تک صحت کی توقع ہے، فدیہ دینا کافی نہیں ہوگا، صحت مند ہونے کے بعد قضا لازم ہوگی، اور اگر صحت کی امید نہیں، اور بیماری بھی ختم نہیں ہو رہی، اور موت تک شفا ہونے کی امید بھی نہیں، تو اس صورت میں فدیہ دینا درست ہوگا۔

۔۔۔۔۔۔۔۔۔۔۔۔۔
دلائل:

کذا فی الھندیۃ:
المریض اذا خاف علی نفسہ التلف او ذھاب عضو یفطر بالا جماع وان خاف زیادۃ العلۃ وامتداوہ فکذلک عندنا وعلیہ القضاء اذا فطرکذا فی المحیط ثم معرفۃ ذالک باجتھاد المریض والا جتھا د غیر مجردا لو ھم بل ھو غلبۃ ظن عن امارۃ او تجربۃ اوبا خبار طبیب مسلم الخ۔ غیر ظاھر الفسق کذافی فتح القدیر ۔
(فتاویٰ الھندیہ،207/1، ط: رشیدیہ)

واللہ تعالٰی اعلم بالصواب
دارالافتاء الاخلاص، کراچی