سوال کا متن:
ہمارے علاقہ میں یہ رواج ہے کہ جب شوہر کا انتقال ہو جاتا ہے تو بیوی خود یا اس کے خاندان کی عورتیں اس مرحوم کی بیوی کے ہاتھ میں پہنی ہوئی چوڑیوں کو توڑ دیتی ہیں، تاکہ اس کو دوبارہ نہ پہن سکے، کیا شرعا اس طرح کرنا صحیح ہے؟
جواب کا متن:
شوہر کے انتقال پر بیوی کے ہاتھ میں پہنی ہوئی چوڑیاں توڑ کر ضائع کرنا غلطی ہے، فی الحال اتار کر رکھ لیں، جب عدت پوری ہوجائے تو پھر پہن لیں۔
۔۔۔۔۔۔۔۔۔۔۔۔۔۔۔۔۔
دلائل:
کذا فی الدر مع الرد:
(تحد۔۔۔۔۔ مکلفة مسلمة ولو امة منکوحة ۔۔۔۔۔ اذا کانت معتدة بت او موت)۔۔۔۔اظھارا للتاسف علی فوات النکاح(بترک الزینة) بحلی او حریر ۔۔۔۔۔۔۔۔الخ (ج٣ ص ۵٣٠ باب العدة فصل فی الحداد)
واللہ تعالٰی اعلم بالصواب
دارالافتاء الاخلاص، کراچی