یورپ میں روزے کا فدیہ کس طرح اداکیا جائے؟

سوال کا متن:

يورپ میں روزے کا فدیہ کس طرح ادا کرنا چاہیے؟

جواب کا متن:

صورت مسئولہ میں فدیہ کی مقدار (گندم کے اعتبار سے) پونے دو کلو گندم یاساڑھے تین کلو کاجو یاکھجور یاکشمش ہے، چاہے جہاں بھی ادا کیا جائے، اگر قیمت ادا کرنی ہو، تو جہاں ادائیگی کرنے والا موجود ہو، وہاں ان چیزوں کی قیمت کا اعتبار ہوگا۔لہذا مذکورہ صورت میں آپ جس ملک میں مقیم ہیں، تو فدیہ اسی ملک کی قیمت کے مطابق ادا کرنا لازم ہے۔

فتاوی عالمگیری میں ہے:

"ويطعم عنه وليه لكل يوم مسكينا نصف صاع من بر أو صاعا من تمر أو صاعا من شعير كذا في الهداية."

(ص:207، ج:1، ط:رشیدیه)

وفيه ايضاّ:

"ومصرف هذه الصدقة ما هو مصرف الزكاة كذا في الخلاصة."

(ص:194، ج:1، ط:رشیدیه)

فقط واللہ اعلم

ماخذ :دار الافتاء جامعۃ العلوم الاسلامیۃ بنوری ٹاؤن
فتوی نمبر :144309101172
تاریخ اجراء :21-04-2022