عید کا چاند ہونے سے پہلے اعتکاف سے اٹھنا

سوال کا متن:

کیا عید کا چاند ہونے سے پہلے اعتکاف سے اٹھ سکتے ہیں؟

جواب کا متن:

 مسنون اعتکاف کا وقت  رمضان المبارک کی بیسویں تاریخ کو سورج غروب ہونے سے عید الفطر کا چاند نظر آنے تک ہے، اگر کوئی شخص عید الفطر کا چاند نظر آنے سے پہلے اعتکاف سے اٹھ گیا تو اس کا مسنون اعتکاف  فاسد هوجائے گا، اور اس  پر  ایک دن کے اعتکاف کی روزے  کے ساتھ قضا کرنا لازم ہوگا، لہذا  سنت اعتکاف کرنے والوں کے لیے عید الفطر کا چاند نظر سے آنے سے پہلے  اعتکاف ختم کرکے مسجد سے نکلنا درست نہیں ہے۔

فتاوی شامی  میں ہے:

"(وسنة مؤكدة في العشر الأخير من رمضان) أي سنة كفاية كما في البرهان وغيره لاقترانها بعدم الإنكار على من لم يفعله من الصحابة."

(2 / 442،باب الاعتکاف ، ط: سعید)

فقط والله اعلم

ماخذ :دار الافتاء جامعۃ العلوم الاسلامیۃ بنوری ٹاؤن
فتوی نمبر :144309101088
تاریخ اجراء :21-04-2022