تبلیغی حضرات کا نماز کے بعد اعلان کرنا

سوال کا متن:

تبلیغی حضرات کا نماز کے بعد ان الفاظ میں اعلان کرنا کیسا ہےکہ نماز کے بعد سب ہی حضرات تشریف رکھیں مسجد کو آباد کرنے والا عمل ہوگا؟

جواب کا متن:

تبلیغی حضرات کی محنت کا مقصد ذاتی نہیں، بلکہ مسجدوں کی آبادی کا   جماعت کے ساتھ نماز پڑھنے کی پابندی، نیک لوگوں کی صحبت، فرشتوں کی رفاقت اور نفلی اعتکاف کی فضیلت حاصل کرنا ہے اور یہ تمام چیزیں شریعت میں مطلوب ہیں، لہذاصورتِ مسئولہ میں نمازیوں کو اگر تبلیغی حضرات کے  مذکورہ اعلان سے نماز کی ادائیگی میں کوئی پریشانی  نہ ہوتی ہو تو تبلیغی احباب کا نماز کے بعد یہ اعلان کرنا کہ ’’نماز کے بعد سب ہی حضرات تشریف رکھیں مسجد کو آباد کرنے والا عمل ہوگا‘‘درست ہے ، شرعاً کوئی قباحت نہیں۔

فقط واللہ اعلم

 

ماخذ :دار الافتاء جامعۃ العلوم الاسلامیۃ بنوری ٹاؤن
فتوی نمبر :144402101518
تاریخ اجراء :19-09-2022