سوال کا متن:
میرا نام فرید الحق ہے اوروالدہ کانام انیسہ ہے،کیامیرے اوپر جادو ہواہے؟یامیرے اوپر نظربد ہے؟یامیرے اوپر اثرات ہیں؟معلوم کرکے بتادیں۔
جواب کا متن:
اس ویب سائٹ کے ذریعہ شرعی مسائل کاحل بتلایاجاتاہے،عملیات یااستخارہ نہیں کیاجاتاہے،تاہم آپ مندرجہ ذیل اعمال کااہتمام کریں ان شاء اللہ جادواور دیگراثرات سے محفوظ رہیں گے۔
ظاہری وباطنی طہارت کا اہتمام اور پنج وقتہ نمازوں کی پابندی کے ساتھ قرآنِ کریم کی تلاوت اور قرآنی آیات پر مشتمل "منزل" نامی مجموعہ (جو شیخ الحدیث مولانا محمد زکریا رحمہ اللہ نے ترتیب دیا ہے، اس) کی بھی باقاعدگی سے تلاوت کریں۔ آیۃ الکرسی اور آخری تین قُل یقین کے ساتھ صبح وشام پڑھنے کا اہتمام کریں، اور وساوس واوہام کی طرف بالکل توجہ نہ دیں۔ بوقتِ ضرورت کسی مستندمتبعِ سنت عالم سے براہِ راست رجوع کریں ۔ فقط واللہ اعلم