1. دار الافتاء جامعۃ العلوم الاسلامیۃ بنوری ٹاؤن
  2. ممنوعات و مباحات
  3. تعویذات / عملیات
  4. تعویذ ، دم درود کی حقیقت و احکام

دعائے مصیبت اور اس کی فضیلت

سوال

إنا لله وإنا إليه راجعون اللهم أجرنى فى مصيبتى وأخلف لى خيرا منها.اس دعا کی فضیلت اور ترجمہ بتادیں۔

جواب

اس دعا کاترجمہ یہ ہے:بیشک ہم اللہ ہی کے لیےہیں اورہم اللہ ہی کی طرف لوٹنے والے ہیں،اے اللہ!میری مصیبت میں مجھے اجردے اوراس کے عوض مجھے اس کااچھابدلہ عنایت فرما۔

اس دعاکے بارے میں ام المومنین حضرت ام سلمہ رضی اللہ عنہافرماتی ہیں کہ جب میرے شوہرابوسلمہ کاانتقال ہواتو میں نے اپنے جی میں سوچاکہ میرے شوہرمرحوم ابوسلمہؓ سے اچھاکون ہوسکتاہے ،وہ سب سے پہلے مسلمان تھے جنہوں نے گھربارکے ساتھ رسول اللہ صلی اللہ علیہ وسلم کی طرف ہجرت کی،(لیکن رسول اللہ صلی اللہ علیہ وسلم کی تعلیم کے مطابق)میں نے ان کی وفات کے بعد یہ دعاپڑھی تواللہ تعالیٰ نے ابوسلمہؓ کی جگہ رسول اللہ صلی اللہ علیہ وسلم کی شخصیت مجھے نصیب فرمائی۔فقط واللہ اعلم


ماخذ :دار الافتاء جامعۃ العلوم الاسلامیۃ بنوری ٹاؤن
فتوی نمبر :143709200013
تاریخ اجراء :12-06-2016

فتوی پرنٹ