1. دار الافتاء جامعۃ العلوم الاسلامیۃ بنوری ٹاؤن
  2. ایمان وعقائد
  3. بدعات اور رسوم
  4. رسومات

دلہن کو ڈولی / پالکی پر بٹھا کر شوہر کے گھر لے جانا

سوال

کیا شادی میں دلہن کو ڈولی میں بٹھا کر غیر محرم مردوں کے کندوں پر شوہر کے گھر لےجانا جائز ہے؟

جواب

فی نفسہ عورتوں کے لیے ڈولی  اور پالکی کا استعمال جائز ہے، بلکہ اس میں پردہ کا اہتمام بھی زیادہ ہے، ازواجِ مطہرات بھی اَسفار میں "ہودج" پر سفر کرتی تھیں جس سے ڈولی اور پالکی کی اصل نکلتی ہے۔البتہ شادی کے موقع پر محض رسم کے طور پر  اس کا التزام کرنا  درست نہیں ہے، اور اگر اسے ثواب سمجھ کر اہتمام کیا جائے تو یہ بدعت بن جائے گا۔لہذا عام حالات کے علاوہ شادی بیاہ کے موقع پر اس رسم کو ترک کرنا چاہیے۔(امداد الفتاوی ، ملفوظات حکیم الامت، فتاوی محمودیہ)فقط واللہ اعلم


ماخذ :دار الافتاء جامعۃ العلوم الاسلامیۃ بنوری ٹاؤن
فتوی نمبر :143909202171
تاریخ اجراء :01-09-2018

فتوی پرنٹ