سوال کا متن:
اگر کسی مرد نے روزے کی حالت میں شہوت کے ساتھ اپنی بیوی کو چھوا اور بوسا دیا اور منی خارج ہو گئی تو کیا اس کا روزہ جاتا رہا؟
جواب کا متن:
روزے کی حالت میں بیوی کو چھونے یا بوسہ دینے سے اگر منی خارج ہوگئی تو روزہ فاسد ہوجائے گا اور اس روزے کی قضا اس کے ذمہ لازم ہوگی، البتہ کفارہ لازم نہیں ہوگا۔
الفتاوى الهندية (1/ 204)
''وإذا قبل امرأته، وأنزل فسد صومه من غير كفارة، كذا في المحيط. ۔۔۔۔ والمس والمباشرة والمصافحة والمعانقة كالقبلة، كذا في البحر الرائق''.فقط واللہ اعلم