1. دار الافتاء جامعۃ العلوم الاسلامیۃ بنوری ٹاؤن
  2. عبادات
  3. روزہ
  4. روزہ کی قضاء

دوائی سے ایام ماہواری کو روکنا

سوال

کچھ عورتیں روزہ رکھنے کے لیے حیض روکنے کی دوائیں لیتی  ہیں ، اسی طرح کچھ عورتیں عمرہ کرنے کے لیے حیض روکنےکی دوائیاں لیتی ہیں،  کیا اس طرح کرنا اسلام میں جائز ہے؟

جواب

دوائیاں لے کر حیض کو روکنا ایک غیر فطری عمل ہے، جب عورت کو حیض آ جائے تو اس کے لیے حکم یہ ہے کہ ان دنوں کے روزے نہ رکھے، پاکی کے ایام میں ان دنوں کی قضا کرلے، اس لیے دوا لے کر ماہواری روکنے کی ضرورت نہیں، خصوصاً جب کہ یہ صحت کے لیے نقصان دہ ہو، البتہ اگر کسی عورت نے  ماہواری کو روک کر روزے رکھے یا عمرہ کیا تو اس کے روزے درست شمار کیے جائیں گے اور اس کا عمرہ بھی ادا ہوجائے گا۔ فقط واللہ اعلم


ماخذ :دار الافتاء جامعۃ العلوم الاسلامیۃ بنوری ٹاؤن
فتوی نمبر :144008201010
تاریخ اجراء :14-05-2019

فتوی پرنٹ