غریب کا صدقہ لے کر اس رقم سے مال دار کو کھانا کھلانا

بصورتِ مسئولہ اگر لوگ آپ کی پڑوسن کو  صدقہ دیتے ہیں اور وہ آپ کو اس میں سے سالن وغیرہ بنا کر دیتی ہیں تو آپ کے لیے یہ کھانا کھانا جائز ہے، کیوں کہ جب وہ صدقہ وصول کرلیتی ہیں تو وہ مالک بن جاتی ہیں، اب ان کا کھانا بنا کردینا ہدیہ شمار ہوگا اور صاحبِ حیثیت لوگوں کے لیے بھی اسے استعمال کرنا جائز ہوگا۔ایک مرتبہ حضرت بریرہ رضی اللہ عنہا نے رسول اللہ صلی اللہ علیہ وسلم کو گوشت ہدیہ کیا جو ان کو بطورِ صدقہ دیا گیا تھا اس موقع پر رسول اللہ صلی اللہ علیہ وسلم نے فرمایا کہ یہ ان کے لیے صدقہ ہے اور ہمارے لیے ہدیہ ہے۔

صحيح مسلم (2/ 755)
''عن قتادة، سمع أنس بن مالك، قال: أهدت بريرة إلى النبي صلى الله عليه وسلم لحماً تصدق به عليها، فقال: «هو لها صدقة، ولنا هدية»''۔ فقط واللہ اعلم