1. دار الافتاء جامعۃ العلوم الاسلامیۃ بنوری ٹاؤن
  2. عبادات
  3. زکوٰۃ / صدقات
  4. نفلی صدقات

کیا نفلی صدقات قادیانی و دیگر غیر مسلم افراد کو دے سکتے ہیں؟

سوال

کیا قادیانی کو نفلی صدقہ دیا جا سکتا ہے؟  نیز اہلِ کتاب کو نفلی صدقہ دیا جا سکتا ہے؟  اس کے علاوہ زمینی مذاہب والے جیسے ہندو مت، بدھ مت وغیرہ کو نفلی صدقات دیے جا سکتے ہیں؟

جواب

واضح رہے کہ قادیانی نبی آخر الزماں محمد  مصطفی احمد مجتبی  صلی اللہ علیہ وسلم کی ختمِ نبوت  کے منکر ہونے کی وجہ سے دائر اسلام سے خارج اور مرتد و زندیق ہیں، اس کےباوجود  وہ  دجل و فریب کرتے ہوئے اپنے آپ کو مسلمان قرار دے کر سادہ لوح مسلمانوں کے دین و ایمان پر ڈاکا  ڈالتے ہیں، قادیانیوں سے کسی قسم کا میل جول رکھنا تحفہ تحائف کا تبادلہ شرعاً و اخلاقاً جائز نہیں ہے، ان سے سوشلی بائیکاٹ کرنا شرعاً و اخلاقاً  مسلمانوں پر لازم ہے، لہذا فرقہ قادیانیت سے وابستہ افراد کی مالی امداد کسی بھی مد سے کرنے کی شرعاً و اخلاقاً  اجازت نہیں۔

اہلِ کتاب و دیگر مذاہب کے افراد کی نفلی صدقات سے مدد کرنے کی اجازت ہے۔ فقط واللہ اعلم


ماخذ :دار الافتاء جامعۃ العلوم الاسلامیۃ بنوری ٹاؤن
فتوی نمبر :144008201950
تاریخ اجراء :06-06-2019

فتوی پرنٹ