سعی کے کچھ چکر رہ جائیں تو کیا حکم ہے؟

سوال کا متن:

اگر سعی کے دوران کچھ چکر غلطی سے رہ جائیں تو کیا کیا جاۓ؟

جواب کا متن:

اگر سعی میں ایک، دو یا تین چکر غلطی سے رہ گئے ہیں تو ہر ایک چکر کے بدلے  صدقۃ الفطر کی مقدار کے برابر صدقہ ادا کرنا لازم ہے، اور اگر چار یا اس سے زیادہ چکر رہ گئے ہیں (اور احرام کھول دیا ہے) تو حرم کی حدود میں دم دینا لازم ہوگا، ہاں اگر احرام کھولنے سے پہلے ان کا اعادہ کرلے تو دم ساقط ہوجائے گا۔

الدر المختار وحاشية ابن عابدين (رد المحتار) (2/ 553):
"(أو) ترك (السعي) أو أكثره أو ركب منه بلا عذر.

(قوله: أو أربعة منه) أما لو ترك أقله ففيه صدقة، كما سيأتي".

وکذا فی غنیۃ الناسک  (ص: 277۔278، ادارۃ القرآن)  فقط واللہ اعلم

ماخذ :دار الافتاء جامعۃ العلوم الاسلامیۃ بنوری ٹاؤن
فتوی نمبر :144004201159
تاریخ اجراء :12-02-2019