ایسی پرچی جس میں قرآنی آیت لکھی ہو کو بلا وضو منہ میں رکھنے کا حکم

کسی کاغذ پر اگر قرآنی آیت لکھ دی جائے تو اس کاغذ کو تو بلا وضو چھونا جائز ہوتا ہے، البتہ کاغذ پر جس جگہ وہ آیت لکھی ہو اس جگہ (یعنی آیت کے حروف) کو بلا وضو چھونا جائز نہیں ہے، لہٰذا اگر پرچی پر مذکورہ آیت لکھ کر پرچی کو اس طرح سے موڑ کر بند کردیا جائے کہ قرآنی آیت کے حروف اندر کی طرف چھپ جائیں تو اس صورت میں بے وضو آدمی کے لیے بھی اس پرچی کو اپنے منہ میں رکھنے کی گنجائش ہے۔ فقط واللہ اعلم