خواتین کے لیے پلازو اور چوڑی دار پاجامہ پہنا

سوال کا متن:

پلازو اور چوڑی دار پاجامہ پہننا عورتوں کے لیے درست ہے کہ نہیں ؟

جواب کا متن:

 پلازو اور چوڑی دار پاجامہ کے اوپر اگر کُرتایا قمیص ہو  جس سے اعضاءِ جسم کی کیفیت وہیئت ظاہر نہ ہو، یعنی بالکل چست نہ ہو ، خواتین کے لیے گھر میں دیگر خواتین اور محرم مردوں کے سامنے پہننا جائز ہے،  البتہ غیر محرم کے سامنے اور کسی ضرورت کے لیے گھر سے باہر  نکلنے کی صورت میں مکمل پردے کا اہتمام ضروری ہے۔ اور اگر چوڑی دار پاجامہ کے اوپر ایسا لباس نہ ہو جس سے اعضاءِ مستورہ چھپتے ہوں (یعنی بالکل چست ہو اور اعضاء کی ہیئت ظاہر ہوتی ہو) تو محارم اور خواتین کے سامنے بھی اسے پہننے کی اجازت نہیں ہوگی۔ فقط واللہ اعلم

ماخذ :دار الافتاء جامعۃ العلوم الاسلامیۃ بنوری ٹاؤن
فتوی نمبر :144001200903
تاریخ اجراء :08-11-2018