1. دار الافتاء جامعۃ العلوم الاسلامیۃ بنوری ٹاؤن
  2. حقوق و معاشرت
  3. باہمی حقوق
  4. اولاد کے حقوق

’’معزالحسن‘‘ یا ’’معیذالحسن‘‘ نام رکھنا

سوال

’’معزالحسن‘‘ یا ’’معیذالحسن‘‘ نام رکھنا کیسا ہے؟

جواب

’’مُعِزّ‘‘  اللہ رب العزت کے اسماء گرامی میں سے ایک اسم ہے،  جس کے معنی ’’عزت دینے والے‘‘  کے ہیں، سوال میں ذکر کردہ اسم ’’معز الحسن‘‘ عربی گرامر کے اعتبار سے مرکبِ اضافی ہے، جس کے معنی "حسن کو عزت دینے والا" بنتے ہیں، معنی کے لحاظ سے یہ نام مناسب نہیں؛ لہذا ’’عبد المعز‘‘  نام رکھ لیں.

’’معیذ‘‘  کا معنیٰ ہے پناہ دینے والا، یہ نام رکھ سکتے ہیں، لیکن عربی ترکیب کے اعتبار سے اس کے ساتھ ’’الحسن‘‘  کا لاحقہ لگاکرنام رکھنے سے بہتر ہے یا تو ’’معیذ حسن‘‘  نام رکھ دیا جائے یا ’’الحسن‘‘ کا لاحقہ ہٹادیا جائے۔

"المُعِزُّ : (معجم الوسيط) المُعِزُّ : من أَسماء الله تعالى، ومعناه: الواهب العِزَّة لمن يشاءُ".فقط واللہ اعلم


ماخذ :دار الافتاء جامعۃ العلوم الاسلامیۃ بنوری ٹاؤن
فتوی نمبر :144010200628
تاریخ اجراء :07-07-2019

فتوی پرنٹ