بہن کا میراث میں حصہ

صورتِ مسئولہ میں اگر والد صاحب نے اپنی زندگی میں یہ غیر منصفانہ تقسیم کی تھی کہ اپنی بیٹی کوکچھ نہیں دیا تھا تو  اس غیر منصفانہ تقسیم کا وبال والد صاحب پر ہوگا، تاہم اگر والد صاحب نے تقسیم نہیں کی تھی، بلکہ ان کی وفات کے بعد ان کے بیٹوں میں سے کسی نے ایسی تقسیم کی کہسب ترکہ مرحوم کے بیٹوں میں تقسیم کر کے مرحوم کی بیٹی کو کچھ بھی نہیں دیا تو ایسی غیر شرعی اور قرآن مجید کے صریح حکم کے خلاف تقسیم کا کوئی اعتبار نہیں ہے اور مرحوم کے بیٹوں پر لازم ہے کہ وہ مرحوم کے کل ترکہ کو ٩حصوں میں تقسیم کرکے٢ حصے  ہر  ایک بیٹے کو  اور ایک حصہ مرحوم کی بیٹی کو دیں اور اگر وہ ایسا نہیں کریں گے تو گناہ گار ہوں گے، اور  ایسی تقسیم آخرت میں اللہ کی پکڑ اور جنت سے محرومی کا باعث ہوگی۔ فقط واللہ اعلم