1. دار الافتاء جامعۃ العلوم الاسلامیۃ بنوری ٹاؤن
  2. عبادات
  3. حج / عمرہ
  4. متفرقات حج و عمرہ

طواف کے نوافل حطیم میں ادا کرنے کاحکم

سوال

عمرہ کے طواف کے دو نفل حطیم میں پڑھنے کا کیا حکم ہے؟ کیا طواف کا بھی اعادہ ہوگا؟

جواب

واضح رہے کہ حطیم کا اندرونی کچھ حصہ (بیت اللہ کی دیوار سے متصل تقریباً دس فٹ) چوں کہ بیت اللہ کا جزو ہے؛ اس لیےطواف  حطیم کے باہر سے کرنا ضروری ہے ،البتہ طواف کے دو نفل کی ادائیگی کسی زمانے اور مکان کے ساتھ مخصوص نہیں ہے۔ (عمدۃ الفقہ)

بہتر ہے کہ مقامِ ابراہیم کے پیچھے اداکیے جائیں،لہذا اگر کسی نے طواف کے دو نفل حطیم میں پڑھ لیے تو ادا ہوجائیں گے ،نہ نوافل کے اعادے کی ضرورت ہے اور نہ طواف کےاعادے کی ۔فقط واللہ اعلم


ماخذ :دار الافتاء جامعۃ العلوم الاسلامیۃ بنوری ٹاؤن
فتوی نمبر :144008200554
تاریخ اجراء :29-04-2019

فتوی پرنٹ