عمرہ کے بعد نفل ادا کرنا

سوال کا متن:

میرے سالے صاحب عمرہ ادا کرنے گئے تھے، انہوں نے کچھ وقت نکال کر میری اور میری اہلیہ کی طرف سے عمرہ ادا کیا ہے، اور آنے کے بعد انہوں نے کہا ہے کہ آپ دونوں نفل ادا کر لیں،  اب میرا سوال یہ ہے کہ نفل ادا کرنے کے لیے کیا نیت کرنی ہو گی؟

جواب کا متن:

واضح رہے کہ  جو شخص طواف کرتا ہے اس  پر طواف کی  دو رکعت نماز ادا کرنا واجب ہوتا ہے، اگر آپ کی طرف سے آپ کے سالے نے عمرہ کیا ہے تو اس کی وجہ سے آپ کے اوپر کوئی نفل نماز ادا کرنا لازم نہیں۔ باقی آپ کے سالے نے اگر طواف کے بعد دو رکعت اد اکرلی تھیں تو بہتر، ورنہ وہ خود ابھی دو رکعت ادا کرلیں۔ فقط واللہ اعلم

ماخذ :دار الافتاء جامعۃ العلوم الاسلامیۃ بنوری ٹاؤن
فتوی نمبر :143909200950
تاریخ اجراء :22-06-2018