سوال کا متن:
اگر کسی صاحب کا عقیقہ نہیں ہوا ہو اور وہ بکرا عید پر قربانی کریں تو ان کی قربانی ہوگی یا نہیں؟
جواب کا متن:
عقیقہ کرنا مستحب ہے، اور اس کا مسنون وقت یہ ہے کہ پیدائش کے ساتویں دن عقیقہ کرے، اگر ساتویں دن عقیقہ نہ کرسکے تو چودھویں (14) دن ورنہ اکیسویں ( ۲۱) دن کرے۔لیکن اگر کوئی شخص عقیقہ نہ کرے تو اس سے نہ وہ گناہ گار ہوگا اور نہ ہی اس سے دیگر احکام میں کوئی فرق آئے گا، لہذا جس کا عقیقہ نہ ہوا ہو وہ بھی بکرا عید پر قربانی کرے تو اس کی قربانی ادا ہوجائے گی۔فقط واللہ اعلم