یمینِ فور کی ایک صورت

اگر شوہر نے یہ جملہ کہا تھا کہ ’’اگر تم کبھی بھی  اس کمرے میں گئی  تو تمہیں طلاق‘‘  یا کبھی بھی کا لفظ نہیں کہا تھا لیکن شوہر کی نیت ہمیشہ کی تھی تو   اس صورت میں تین سال کے بعد جب کہ وہ کمرہ اب بھائی کی رہائش کے لیے ہے، تب بھی اگر وہ خاتون اس کمرے میں جائے گی تو اس کو طلاق  ہو جائے گی۔

اور اگر غصے کے وقت عورت اس کمرے میں جانا چاہ رہی تھی  اور شوہر کی طرف سے فوری طور پر اس کمرے  میں جانے پر ممانعت کی  تھی تو اس صورت میں میں اب اس کمرے میں جانے پر طلاق واقع نہیں ہوگی۔

"( وشرطه للحنث في ) قوله: ( إن خرجت مثلاً ) فأنت طالق أو إن ضربت عبدك فعبدي حر ( لمريد الخروج ) والضرب ( فعله فوراً ) لأن قصده المنع عن ذلك الفعل عرفاً، ومدار الأيمان عليه، وهذه تسمى يمين الفور تفرد أبو حنيفة رحمه الله بإظهارها ولم يخالفه أحد". فقط واللہ اعلم