تقریبات میں کھڑے ہوکر کھانے کا حکم

سوال کا متن:

آج کل اکثر پروگراموں میں کھڑے ہوکر کھانا کھا تے ہیں، شرعی حکم میں کھڑے ہوکر کھانا کھا نا کیسا ہے؟

جواب کا متن:

کسی عذر کے بغیر کھڑے ہوکر کھانا کھانا مکروہ اور  خلافِ سنت ہے، اور جب کوئی خلافِ سنت فعل اجتماعی طور پر کیا جائے تو اس کی قباحت اور شناعت مزید بڑھ جاتی ہے۔ آج کل کی دعوتوں میں جو کھڑے ہوکر کھانا کھلانے کا رواج ہے، وہ درحقیقت اجتماعی طور پر خلافِ سنت عمل کے مترادف ہے، جس کی شناعت اور بھی زیادہ ہے، نیز  کھڑے ہو کر کھانا کھانا مغربی تہذیب اوراغیار کا طریقہ بھی ہے،  اور یہ انسان کی فطرت اور امتیازی شان کے بھی خلاف ہے ، اس لیے اس سے احتراز ہر مسلمان پر لازم ہے۔فقط واللہ اعلم

ماخذ :دار الافتاء جامعۃ العلوم الاسلامیۃ بنوری ٹاؤن
فتوی نمبر :144004200788
تاریخ اجراء :22-01-2019