سوال کا متن:
شریعت میں باپ کی دوسری بیوی یعنی مرحوم کی دوسری ماں کا کوئی حصہ نہیں ہے، مگر مرحوم کی سوتیلی دادیوں کا بھی حصہ ہے یعنی باپ کی سوتیلی ماں کا حصہ سراجی میں دو مثالوں میں ایک جگہ ۳ دادیوں کاحصہ اور اگلی مثال میں ۱۵ دادیوں کا حصہ بتاکر حساب لگایا گیا ہے، کیا یہ درست ہے کہ سوتیلی دادی کا بھی حصہ ہوتا ہے؟
جواب کا متن:
مرحوم بیٹے کی سگی ماں اس کے شرعی ورثاء میں شامل ہے، اس کے علاوہ باپ کی دیگر بیویاں (مرحوم کی سوتیلی مائیں) اس کے ورثاء میں شامل نہیں، اسی طرح سے اگر سگی ماں حیات نہ ہوں تو سگی دادی و نانی مرحوم پوتے، نواسے کے ورثاء میں شامل ہوں گی، سوتیلی دادی نانی وراثت کی حق دار نہ ہوں گی۔
’’سراجی‘‘ میں مشق کی غرض سے فرضی مثالیں ذکر کی گئی ہیں۔ فقط واللہ اعلم