دوا وعلاج میں حشرات الارض اور حرام اجزاء کے استعمال کا حکم

جمہور فقہاء  کے نزدیک حشرات الارض اور دیگر حرام اجزاء  کا خوردنی استعمال بطورِ غذا ہو یا بطورِ علاج، حرام ہے، البتہ بطورِ علاج  کسی بھی طب میں اس کے علاوہ کوئی اور علاج نہ ہو ،اس میں شفا یقینی ہو اور  ماہر مسلمان باعمل  طبیب  کی رائے اس کے استعمال کی ہو تو اس صورت میں حرام سے بھی علاج کی گنجائش ہے۔ سوال میں مذکور اجزاء کے کھائے بغیر بھی اگر علاج موجود ہو ، اور ان مذکورہ امراض کا علاج شرعی ضرورت کے تحت نہ آتا ہوتو ان صورتوں میں ان اجزاء  کا خوردنی استعمال حرام ہوگا۔ 

"اختلف في التداوي بالمحرم  وظاهر المذهب المنع ... وقیل: یرخص إذا علم فیه الشفاء ولم یعلم دواء اخر کما رخص الخمر للعطشان، وعلیه الفتوی". (رد المحتار : ١/ ٢١٠، نیز بدائع الصنائع: ٥/ ٣٦،  ط:دار الکتب العلمیة)  فقط واللہ اعلم