1. دار الافتاء جامعۃ العلوم الاسلامیۃ بنوری ٹاؤن
  2. عبادات
  3. نماز
  4. مکروہات نماز

ایسے کپڑے میں نماز پڑھنے کا حکم جس میں جان دار کی تصویر والا مونوگرام ہو، ایسے شخص کے پیچھے نماز پڑھنے کا حکم جس کی پشت پر تصویر والا مونوگرام ہو

سوال

بعض کمپنیوں کی وردی پر بطورِ مو نوگرام کے گھوڑے  یا شیر  کی اشکال بنی ہوتی ہیں، ایسی وردی میں نماز پڑھنے کا کیا حکم ہے؟  ایسے شخص کے پیچھے نماز پڑھنے کا کیا حکم ہے جس کی پشت پر یہ تصویر والا مونوگرام ہو ؟

جواب

اگر شرٹ یا کپڑے پر  کمپنی کے لوگو میں کسی جان دار  کی تصویر ہو تو ایسے کپڑے میں نماز پڑھنا مکروہ ہے، اسی طرح جس شخص کی پشت پر تصویر والا مونوگرام ہو اس کے پیچھے نماز پڑھنا بھی مکروہ ہے ، البتہ  اگر وہ تصویر مٹادی جائے یا چھپالی جائے یا اس کا چہرہ مکمل کاٹ دیا جائے یا  تصویر بہت چھوٹی ہو کہ سمجھ نہ آتی ہو  یا اس پر سیاہی مل دی جائے تو  پھر نماز میں کراہت نہیں ہوگی، صرف آنکھیں مٹانے سے وہ تصویر کے حکم سے نہیں نکلے گا۔فقط واللہ اعلم


ماخذ :دار الافتاء جامعۃ العلوم الاسلامیۃ بنوری ٹاؤن
فتوی نمبر :144105201082
تاریخ اجراء :25-01-2020

PDF ڈاؤن لوڈ