کیا چھپکلی مار سکتے ہیں؟

  چھپکلی ایک موذی جانور ہے، اسے مارنا جائز ہے، رسول اللہ صلی اللہ علیہ وسلم  نے نہ صرف اس کو  مارنے کی اجازت دی ہے،  بلکہ حکم دیا ہے  اور اس کے مارنے پر ثواب بھی بیان کیا  گیا ہے، یہاں تک کہ اگر پہلی ضرب میں ماردیا جائے تو اس پر ثواب  کی بڑی مقدار بیان کی گئی ہے، دوسری ضرب مارنے پر اس سے کم  ہے اور تیسری میں اس سے کم ہے۔

صحيح مسلم للنيسابوري (7/ 42):
"عن أبى هريرة قال: قال رسول الله صلى الله عليه وسلم: « من قتل وزغةً فى أول ضربة فله كذا وكذا حسنة، ومن قتلها فى الضربة الثانية فله كذا وكذا حسنة لدون الأولى، وإن قتلها فى الضربة الثالثة، فله كذا وكذا حسنة لدون الثانية »".

بعض لوگوں میں یہ مشہور ہے کہ چھپکلی کو مارنے سے پہلے اس سے اجازت لینا چاہیے یا حضرت سلیمان علیہ السلام کی قسم دینا چاہیے، یہ باتیں بے اصل ہیں، ان کا شریعت سے تعلق نہیں ہے۔ فقط واللہ اعلم