1. دار الافتاء جامعۃ العلوم الاسلامیۃ بنوری ٹاؤن
  2. عبادات
  3. نماز
  4. جمعہ و عیدین

جمعہ کی نماز نکل جائے تو کیا کرے؟

سوال

اگر کوئی شخص جمعہ کی نماز جماعت کے ساتھ نہ پڑھ سکے تو  کیا گھر میں ظہر کی نماز ادا کرسکتے ہیں؟

جواب

واضح رہے کہ جمعہ کی نماز کے بہت فضائل و اہتمام احادیث میں منقول ہے، جس کی وجہ سے فقہاءِ کرام نے بغیر کسی شرعی مجبوری کے جمعہ کی نماز ترک کرنے کو ممنوع قرار دیا ہے، لہذا جن افراد پر جمعہ کی ادائیگی واجب ہوتی ہے، ان کو خوب اہتمام سے جمعہ ادا کرنے کی سعی کرنا بنصِ قرآنی واجب ہے، لہذا صورتِ مسئولہ میں جن لوگوں پر جمعہ واجب ہو ان کے لیے جمعہ کی نماز چھوڑنا جائز نہیں ہے، اگر ایک مسجد میں جمعہ کی نماز نکل جائے، تو کسی اور مسجد میں پہنچ کر جمعہ ادا کرنا چاہیے، تاہم سعی کے باوجود جمعہ کی نماز ملنا ممکن نہ رہے تو گھر میں یا مسجد میں انفرادی طوری پر ظہر کی نماز ادا کرنا ضروری ہوگا۔ فقط واللہ اعلم


ماخذ :دار الافتاء جامعۃ العلوم الاسلامیۃ بنوری ٹاؤن
فتوی نمبر :144107200950
تاریخ اجراء :19-03-2020

PDF ڈاؤن لوڈ