1. دار الافتاء جامعۃ العلوم الاسلامیۃ بنوری ٹاؤن
  2. عبادات
  3. ذبیحہ / قربانی
  4. عقیقہ اور اس کے احکام

عقیقے کا جانور ساتویں دن ذبح کرکے اگلے دن دعوت کرنا

سوال

اگر میں عقیقے کا بکرا ساتویں دن ذبح کروں اور دعوت اگلے دن کروں تو کیا ساتویں دن کی فضیلت کا ثواب مجھے اس عمل سے مل جائے گا؟

جواب

لڑکے کے عقیقہ میں صاحبِ استطاعت شخص کے لیے دو بکرے اور لڑکی کے عقیقہ میں ایک بکرا ذبح کرنا مسنون ہے۔ بچے کی پیدائش کے ساتویں دن عقیقہ کرنامستحب ہے، اور اس کے گوشت کا حکم قربانی کے گوشت کی مانند ہے۔ اس کے تین حصے کیے جائیں، ایک حصہ اپنے لیے رکھا جائے اور ایک حصہ عزیز و اقارب میں تقسیم کیاجائے اور ایک حصہ فقراء میں تقسیم کیا جائے یہ مستحب ہے، اور اگر ساتویں دن ذبح کے بعد اس گوشت کو محفوظ کردیا جائے اور اگلے دن اس گوشت سے لوگوں کی ضیافت کی جائے تو یہ بھی جائز ہے، اس سے عقیقہ ادا ہوجائے گا اور ثواب حاصل ہوگا۔ فقط واللہ اعلم


ماخذ :دار الافتاء جامعۃ العلوم الاسلامیۃ بنوری ٹاؤن
فتوی نمبر :144203200879
تاریخ اجراء :02-11-2020

فتوی پرنٹ