1. دار الافتاء دار العلوم دیوبند
  2. معاشرت
  3. اخلاق و آداب

دانتوں سے ناخن کاٹنے کا حکم

سوال

مجھے یہ جاننا ہے کہ کیا دانتوں سے ناخن نکالنا حرام یا گناہ ہے ؟ کیا دانتوں سے ناخن کاٹنے سے غریبی آتی ہے ؟
برائے مہربانی جلد جواب دیکر شکریہ کا موقع عنایت فرمائیں. نوازش ہوگی۔

جواب

بسم الله الرحمن الرحيم
Fatwa:74-50/N=2/1440
 (۱): دانتوں سے ناخن کاٹنا مکروہ ہے، اس سے برص کی بیماری ہوسکتی ہے۔
وقلمھا بالأسنان مکروہ یورث البرص (رد المحتار، کتاب الحظر والإباحة، باب الاستبراء وغیرہ، فصل في البیع وغیرہ، ۹: ۵۸۰، ط؛ مکتبة زکریا دیوبند، نقلاً عن الطحطاوي علی الدر عن الھندیة عن التعابیة)۔
(۲): دانتوں سے ناخن کاٹنے سے غربت آتی ہے، یہ مجھے معلوم نہیں اور نہ ہی میں نے کسی معتبر ومستند کتاب میں دیکھا۔
واللہ تعالیٰ اعلم
دارالافتاء،
دارالعلوم دیوبند


ماخذ :دار الافتاء دار العلوم دیوبند
فتوی نمبر :165689
تاریخ اجراء :Oct 24, 2018

فتوی پرنٹ