شادی كے بعد بچے كی پیدائش سے بچنے كی شرعی حیثیت

سوال کا متن:

محترم جناب مفتی صاحب میرا سوال یہ ہے کہ کوئی شخص شادی کے بعد بچے پیدا نہ کرے تو کیا اس میں کوئی گناہ ہے اگر بیوی بھی اس پر راضی ہو؟

جواب کا متن:

بسم الله الرحمن الرحيم
Fatwa:282-245/M=4/1439
شادی کے بعد شوہر اگر چاہے کہ فوراً بچہ پیدا نہ ہو اوراس کے لیے بیوی کی رضامندی سے عارضی طور پر ایسی تدبیر اختیار کرے جس سے استقرار حمل نہ ہو تو شرعاً اگرچہ اس کی گنجائش ہے لیکن اگر بیوی کی صحت کمزور نہیں ہے اور کوئی عذر مانع نہیں ہے تو ایسا کرنا شریعت کی نظر میں پسندیدہ نہیں، نکاح کے مقاصد میں یہ بھی داخل ہے کہ توالد وتناسل کا سلسلہ قائم ہو اور کثرت امم کی بنا پر حضور صلی اللہ علیہ وسلم بروز محشر فخر فرمائیں گے اس لیے بلاعذر اولاد سے بچنے کا جذبہ مستحسن نہیں۔
واللہ تعالیٰ اعلم
دارالافتاء،
دارالعلوم دیوبند
ماخذ :دار الافتاء دار العلوم دیوبند
فتوی نمبر :157243
تاریخ اجراء :Dec 27, 2017