مسجد میں نماز جنازہ پڑھنا کیسا ہے؟

مظفر پور (بہار)میں سعد پورہ ایک محلہ ہے یہاں مسلمانوں کی ایک کثیرآبادی ہے ۔اگر محلہ میں کسی کی وفات ہوجاتی ہے توجنازہ کی نمازکے لئے کوئی مخصوص مقام نہ ہونے کی وجہ سے مین روڈ پرہی جنازہ کی نماز اداکی جاتی ہے ،بظاہراس پرکوئی اعتراض نہیں کرتا،لیکن جب تک جنازے کی نماز ہوتی ہے روڈ پراآمدورفت بھی متاثر ہوتی ہے ، جس میں مسلم اورغیر مسلم دونوں ہوتے ہیں،اورگاڑیوں کی لمبی لائن لگ جاتی ہے ۔مسلمانوں کو یہ احساس بار بار ستاتا ہے کہ روڈ پرجنازہ کی نمازاجنازہ پڑھنے سے آنے جانے والوں کوتکلیف ہوتی ہے ۔اسی وجہ سے محلہ کی مسجد میں محراب کے اندر منبر کے سامنے ایک دروازہ قبلہ کی جانب کھول دیاگیا تاکہ میت کوباہررکھ کرمسجد میں ہی جنازہ کی نماز ادا کرلی جائے ۔کچھ حضرات اس طرح نماز جنازہ اداکرنے سے منع کرتے ہیں،مفتیان کرام سے گذارش ہے کہ مسئلہ مذکورہ میں مندرجہ ذیل صورتوں کوسامنے رکھتے ہوئے جواب مرحمت فرمائیں ۔
اگرمیت کے ساتھ امام صاحب باہرہوں اور مقتدی اندرون مسجد ، یا میت ،امام صاھب اورمقتدیوں کی ایک صف بھی باہرہو یاصرف میت باہرہواورباقی مصلی مع امام، مسجد کے اندر ہوں ۔
براہ کرم وضاحت کے ساتھ جواب مرحمت فرمائیں۔