دو بیٹے‏، دو بیٹیوں اور سوتیلی ماں كے درمیان وراثت كی تقسیم

سوال کا متن:

ایک بیوہ عورت کا انتقال ہو گیا اس کی ایک سوتیلی ماں حیات ہے اور اس کے اپنے دو بیٹے اور دو بیٹی ہیں۔ مرحومہ کے پاس کچھ رقم پڑی تھی اس کی تقسیم کس طرح ہوگی؟ براہ کرم قران و سنت کی روشنی میں جواب دیں عین نوازش ہوگی۔ شکریہ۔

جواب کا متن:

بسم الله الرحمن الرحيم
Fatwa : 1159-993/D=11/1440
 
اگر مرحومہ کے حقیقی والدین نہیں ہیں تو بعد ادائے حقوق متقدمہ علی الارث صورت مسئولہ میں اس رقم کو چھ حصوں میں تقسیم کرکے 2-2 حصے مرحومہ کے دونوں لڑکوں کو ، اور 1-1 حصہ مرحومہ کی دونوں لڑکیوں کو دیا جائے گا۔
کل حصے   =             6
-------------------------
بیٹا                            =             2
بیٹا                            =             2
بیٹی                           =             1
بیٹی                           =             1
سوتیلی ماں                =             x
--------------------------------
واللہ تعالیٰ اعلم
دارالافتاء،
دارالعلوم دیوبند
ماخذ :دار الافتاء دار العلوم دیوبند
فتوی نمبر :172082
تاریخ اجراء :Jul 25, 2019