السلام علیکم مفتی صاحب یہ سوال ہے کہ اگر کوئی شخص عیدین کی نماز میں اس حال میں پہونچا کہ دونوں رکعت ہو چکی تھی اور امام کو تشہد میں پایا تو اب یہ مسبوق اپنی نماز عید کیسے پوری کرےگا برائے مہربانی جواب عنایت فرمائیں؟

Ref No. 38 / 1210

الجواب وباللہ التوفیق                                                                                                                                                        

بسم اللہ الرحمن الرحیم:۔ نماز جیسی چھوٹی ہے اسی ترتیب سے ادا کیجاتی ہے۔ عید کی نماز میں کوئی الگ  ترتیب نہیں ہے۔ امام کے سلام کے بعد مسبوق  دونوں رکعتیں مع زائد تکبیرات کے ادا کرے بالکل اسی طرح جس طرح امام نے ادا کئے تھے۔ یعنی پہلی رکعت میں ثنا پڑھنے کے بعد تین تکبیریں  کہے اور دوسری رکعت میں قرأت کے بعدتین تکبیریں  کہے۔کذا فی الفقہ    واللہ اعلم بالصواب

دارالافتاء

دارالعلوم وقف دیوبند