طلاق دیتے وقت ان شاءاللہ کہنے کا حکم

اس مسئلے کے بارے حضرات مفتیاں کرام کیا فرماتے ہیں کہ امیر محمد ولد محمد خان نے اپنی زوجہ ثمینہ ناز بنت راجہ محمد اسحاق18 ستمبر 2022 کو وائس میسج کیا جس میں یہ الفاظ تھے۔ ’’میں امیر محمد ولد محمد خان ثمینہ ناز بنت راجہ محمد اسحاق کو ان شاء الله طلاق اول رجعی دیتا ہوں ‘‘اور اسکے بعد ہم میاں بیوی کے طور پر مزید اکٹھے نہیں رہ سکتے۔" یہ وائس میسج دو گواہوں کو دو مرتبہ سنا کر اس پر گواہ بنایا اور اگلے دن گواہان کی موجودگی میں دو مرتبہ پھر درج ذیل الفاظ کہے۔ ’’میں امیر محمد ولد محمد خان اپنی بیوی ثمینہ نازبنت راجہ محمداسحاق کو ان شاء الله طلاق دے رہا ہوں ‘‘پھر اسی دن اسٹامپ فروش سے تین اسٹامپ پیرلے کر طلاق کے تین نوٹس تیار کروادیے، تینوں نوٹسز طلاق (اول، دوم، سوم) پر خود دستخط کیے انگوٹھا ثبت کیا اور گواہان سے بھی دستخط کروائے اور انگوٹھے ثبت کرائے ان میں سے ایک نوٹس زوجہ اور یونین کونسل کو بھیجا اور دوسرا اور تیرا بعد میں بھیجنے کا عزم ظاہر کیا مگر بھیجوائے نہیں ۔ نوٹس اول کی کاپی ساتھ لف ہے، دوسرے اور تیسرے نوٹس کی کاپی امیر محمد فراہم نہیں کر رہا۔برائے مہربانی مندرجہ بالا صور تحال میں آیا امیر محمد کی بیوی کو طلاق ہوئی ہے یا نہیں شریعت کی رو سے ہمیں آگاہ کیا جائے