مالک کی اجازت سے دوسری منزل پر تعمیر کرنے کا حکم

مفتیان کرام سے اس مسئلے میں شرعی رہنمائی مطلوب ہے کہ:

گزارش یہ ہے  ہم جوائنٹ فیملی میں ایک 200 گزکے مکان میں رہتے ہیں جو کہ ہماری والدہ کے نام ہے، والدین گراونڈ فلور پر رہتے ہیں جبکہ ہم دو بھائی شادی کے بعد اوپر کے مکان میں شفٹ ہو گئے ہیں اور دونوں بھائیوں کے دودو بچے بھی ہیں۔

 سوال یہ ہے کہ ایک بھائی کی جب شادی ہوئی تو اس کے سُسر صاحب نے ہمارے  گھرکے اوپر دو کمرے ، کچن اور پانی کا ٹینک اپنے خر چے پر  اپنی بیٹی کو بنا کر دیا،اور یہ کہا کہ یہ میں اپنی بیٹی کو حصے طور پر دے رہا ہوں اور اس بات پر میرے والدین بخوشی  راضی تھے۔ اسی طرح میں نے بھی اپنی شادی کے بعد اپنے والدین کے مشورے سے اپنی بیوی کا سونا بیچ کر اپنے لیے ایک کمرہ اور ایک کچن اور باتھ روم بنوا لیا، مذکورہ تعمیرات میں ہمارے والدین کا کوئی پیسہ خرچ نہیں ہوا،تعمیر کے بعد مکان کی قیمت تقریباً دگنی ہوگئ، اب مسئلہ یہ ہےکہ  ہر تھوڑے عرصے کے بعد ہمارے والدین کی طرف سے مطالبہ ہوتا ہے کہ اوپر کا گھر خالی کرو ہم نے کرایہ پر دینا ہے، جبکہ گھر پرتعمیر کی  تمام لاگت   میری بیوی کے سونےاورایک بھائی کے سُسر صاحب کی طرف سے لگائی گئ تھی،  کیا  ہم آج کی مارکیٹ Value کے حساب سے اپنی اپنی لگی ہوئی لاگت کی واپسی کا مطالبہ کرسکتے ہیں  جو ہم نے پانچ سال پہلے لگائی تھی ،کیا  ہمارے والدین یہ رقم  ادا کرنے کے پابند ہیں ؟ جبکہ والدین اس بات کو ماننے سے انکار کرتے ہیں اور والدہ فرماتی ہیں کہ یہ گھر صرف میرے نام  پرہے اور ہم بھائیوں کا مطالبہ یہ ہے کہ اوپر کے مکان پر جو لاگت آئی ہے وہ لگوا کر ہمیں ادا کر دیں تاکہ ہم گھر خالی کر سکیں۔ کیا والدین سے ایسا مطالبہ جائز ہے؟