تنخواہ سے کاٹی جانے والی رقم (جی پی فنڈ)پر لگنے والے اضافے کا حکم

میں ایک سرکاری ملازم ہوں اور ہر ماہ میری تنخواہ میں سے کچھ رقم کی کٹوتی ہوتی ہے، جو کہ آخر میں میری ریٹائرمنٹ میں مجھے ملے گی۔ اس جمع شدہ رقم پر ہر سال حکومت کی طرف سے کچھ شرح اضافہ لگایا جاتا ہے۔ مثلا اگر میری تنخواہ سے ہر ماہ 10000 دس ہزار کاٹے جاتے ہیں تو ایک سال میں یہ رقم 120000 بن جاتی ہے۔ اس پر حکومت کی طرف سے 13 فیصد شرح یعنی 15600 کا اضافہ لگایا جاتا ہے۔ یہ اضافہ اصل رقم میں جمع کرنے سے کل رقم135600 بن جاتی ہے۔ پھر ہر سال اس رقم کے ساتھ 120000 کا اضافہ ہوتا ہے جو ہر ماہ 10000 تنخواہ میں سے کاٹا جاتا ہے۔ پھر یہ گزشتہ سال والی رقم میں شامل ہو جاتا ہے۔
مثلا گزشتہ سال 135600 تھا، تو اگلے سال 120000 جمع کرنے سے کل  255600 ہو جائے گا۔ اب اس مجموعی رقم پر اسی رقم کے اعتبار سے 13 فیصد شرح لگائی جائے گی جو  33228 ہوگی۔ اب کل رقم 288828 بن جائے گی۔  اسی طرح ہر سال کے اضافہ کو گزشتہ سال کی مجموعی رقم میں شامل کر کے کل رقم پر 13 فیصد شرح لگائی جاتی ہے۔ ادارے کا کہنا ہے کہ ہم کاروبار کرتے ہیں یہ اس کا نفع ہے۔ اور یہ اضافہ لینے یا نہ لینے کا اختیار ہوتا ہے۔
اب سوال یہ ہے کہ میرے لیے یہ اصل رقم اور یہ اضافہ لینے کا کیا حکم ہے؟ اور اگر اضافہ ناجائز ہے اور لے لیا ہے تو اس رقم کا کیا کیا جائے؟ شریعت مطہرہ کی روشنی میں رہنمائی فرما کر ممنون ہوں۔