نصف منافع پر جانور چرانے کے معاہدے کا حکم

سوال کا متن:

مثلا ایک شخص 50000 کی گائے یا بھینس خرید کر دوسرے آدمی کو دے دیتا ہے اوردوسرا آدمی اس کو پالتا ہے۔پھر کچھ عرصہ بعد وہ گائے یا بھینس 100000 کی فروخت ہوتی ہے ۔اور نفع دونوں کے درمیان نصف تقسیم ہو جاتا ہے، جبکہ اصل قیمت(یعنی 50000جتنے کی گائے یا بھینس خریدی گئ تھی ) وہ پہلے شخص کی ہی رہتی ہے ۔اور اسی طرح اگر گائے یا بھینس بچہ دیتی ہے تو وہ بھی دونوں کے درمیان نصف مشترک ہوتا ہے ۔کیااسطرح جائز ہے؟

جواب کا متن:

یہ معاملہ قفیز طحان کی علت کی وجہ سے ناجائز ہے۔البتہ اگر مالک اس جانور کانصف حصہ معمولی یا علامتی قیمت پر اس شخص کو فروخت کرکے اس کی قیمت معاف کردے یا نصف حصہ ہبہ کردے اور اس کے بعد اس کے ساتھ نصف حصہ منافع پر یا بچے میں اشتراک پر معاملہ  کریں تو یہ درست ہوگا۔(فتاوی عثمانی:ج۳،ص۳۸۲)


حوالہ جات

۔۔۔۔۔۔


مجيب
نواب الدین صاحب
مفتیان
سیّد عابد شاہ صاحب
محمد حسین خلیل خیل صاحب
ماخذ :دار الافتاء جامعۃ الرشید کراچی
فتوی نمبر :74342
تاریخ اجراء :2021-10-02